天氣話變就變,除咗買衫換季外,各位都唔好忘記買番啲護膚品換換季,小記今次有個新的特賣場好介紹,場內有各款最新的化妝品、護膚品同香水,貨量總數超過三萬件,當中最吸引的必屬由鄭秀文拍廣告的人氣產品,包括MaxFactor不脫色唇彩同潔面按摩棉,怕走寶?後日就要一早去排隊啦!
記者:區佩嫦 攝影:黃子偉
ImageGirl:Natalie
鄭秀文為MaxFactor拍攝的不脫色唇彩廣告,近期不論在電視上及巴士上都日播夜播,唇彩點都唔甩色嘅畫面令人印象難忘,而唇彩亦成為近期化妝品的熱賣產品。另外SK-II按摩棉亦係搵鄭秀文拍廣告,結果好多女士們都棄用普通洗臉奶而改用呢隻按摩棉,果然厲害!
講到近期化妝品界的人氣產品,必然係鄭秀文喺廣告內點食點印都唔甩色的MaxFactorLipInfinity唇彩!今次特賣場居然有得賣,真係唔講得笑,梗掃啦!LipInfinity最大的賣點就係用上最新的鎖色配方,將唇色緊緊咁鎖在嘴唇上,同時又有閃令令兼且滋潤唇膏的效果,是近期OL手袋中必備的化妝品之一。雖然只有紫紅色及啡紅色選擇,但全是最易襯的顏色,不過數量只有24支,掃唔掃到就睇你夠唔夠手快啦!
呢款洗面兼具按摩的SK-II按摩棉,經常長賣長斷,可見鄭秀文效應幾咁厲害,佢特別在於雙面設計,可去除角質,又可洗淨多餘油脂,令皮膚變得白白滑滑,今次特賣有齊鄭秀文勁Sell的普通按摩棉同最新推出的淨白按摩棉,全部獨立包裝,兼且貨量充足,而且$1一塊真係唔掃就蝕底,不過由於負責人想人人有份,所以每人最多可買2塊。
雖然呢支SK-II的緊膚水屬貨辦,但其實都幾大支,起碼都用到半個月以上,以$8用半個月的超抵價的確幾吸引。講番呢支緊膚水,佢含有Pitera,能清潔毛孔內的污垢,幫助新陳代謝,令肌膚變得乾淨兼滑一滑。平日嫌貴唔捨得買的小記,都會買番支試試,睇吓係咪真係咁神奇。
由上年LANCOME推出JuicyTubes開始,呢支唇彩都經常賣斷市,可見佢幾咁受歡迎。呢支唇彩除了充滿難以抗拒的光澤感外,亦帶有薄荷的芳香味道,充滿活潑的春日感覺,今季春妝又點少得佢呢。
呢支M.A.C的睫毛液極具口碑,今次$9就買到支真係平到連小記都唔信,呢支睫毛液可以令睫毛更長且充滿自然的濃密感覺,顏色唔易甩,唔怕一陣就變成熊貓眼,不過顏色只有灰黑色,相信最啱平實的你。
呢樽BIOTHERM的Aquasource絕對是近年大熱的面霜之一,佢以5000公升礦泉水萃取精華為賣點,能為面部提供足夠的水分,令皮膚長期保持如水般的嫩滑感覺,唔怕春天𣲷黐黐的感覺。今次差不多以二折價錢就買到,未試過的朋友,小記覺得點都要買嚟試一試。
唔好以為冬天先用護手霜,其實一年四季護手霜都應該長伴左右,~H2O+的Spa系列潤手護甲霜,能減少雙手的乾紋,滋潤雙手的同時又能幫助指甲的增長,𠵱家$5一支,買定喺Office用都抵。
上季推出的DeepRed,今次居然成為特賣場的貨品之一,的確幾出人意表,所以小記覺得呢支香水必定成為搶手貨。DeepRed帶有西洋梨、金盞花、西洋杉木、鳶尾花等香氣,味道較濃,男女合用。
小記最鍾意呢支Rush2的味道,清香的水仙、鈴蘭、玫瑰、梔子花等香味,清淡得來帶點活潑,再加上四四方方的桃紅色樽身,小記覺得極具形格,深得極富自信的女強人歡心。
香港化粧品中心特賣場
特賣日期:3月16日至5月13日
營業時間:11:00am-7:00pm
地址:九龍灣常悅道13號瑞興中心地下
查詢電話:26389888
*只收現金,所有貨品均沒有包裝或包裝有輕微損壞。
*除按摩棉外,每款貨品每人限買一件。