晶苑地產由93年開始發展嘅東莞常平紫荊花園，已建成逾5000伙，逾九成業主為港客。該盤第二期以澳洲黃金海岸為主題嘅「燦爛豔陽島」苑區，經已落成，新一輯電視廣告。發展商繼續請歌星許志安擔任代言人，重全部都係實景拍攝。發展商重邀請安仔設計咗一個「安仔理想的家」做示範單位。
長實集團北京東方廣場嘅「東方豪庭公寓」，第一期「君滙豪庭」服務式住宅，去年底預租，已租出逾七成，短期內推出第二期「金悅豪庭」招租示範單位。
「君滙豪庭」租客，大部分來自日本、香港、東南亞同歐美，住客以單身人士或年輕夫婦居多。聽講響嗰度住嘅租客，已被稱為「長安一族」，因為東方廣場位於東長安大街。
馬鞍山區樓市將靜靜地起革命，房協轉為私樓嘅住宅樓盤，同信和嘅海典灣，都傳出開始有動作，華懋嘅迎濤灣，今日開記者會，宣布以震撼價推售，實行搶飲頭啖湯。
蘭西