聯合交易所前副行政總裁兼上市科執行總監許浩明自離開聯交所後，曾先後出任多間公司負責人。八方最近又聽聞佢有新動作，就係加盟由內地排第十三位的富豪張揚控制的國中控股，出任董事一職。據二五報料話，許浩明唔係離開現時任職的海域集團（即息影女星傅明憲老公、葉劍波間公司），只不過係一人兼兩職，以佢喺聯交所時代豐富的管理經驗，幫張揚搞好國中的企業管治架構。
國中前身係栢寧頓集團，張揚一年多前喺債權人手上買咗間公司交畀人打理，𠵱家想執靚間公司的架構，便搵人脈網絡極佳的猛人入董事局。除許浩明外，張氏更請到政經人脈極佳的「飛哥」李鵬飛出任執行董事。
E-mail：