在《法網伊人》中飾演律師鍾國昌的鄧浩光，昨日接受本報電話訪問時表示，不相信其角色有任何影射成分，鄧浩光說：「我唔知角色有咁嘅背景，喺我接拍呢部劇嘅時候，只係覺得個角色幾特別，對我嚟講係一個新嘗試。監製亦從來冇叫我模仿任何人，相信一切都係巧合啫。」
同是飾演律師角色的謝天華，昨日在電視城接受訪問時，表示曾聽聞有關投訴，在劇集播出十多集後，他曾經要為劇集重新配音，將對白中的鍾國昌名字改為鍾學祥。
謝天華表示，人名相似經常會出現，每個劇都有很多角色，同名同姓並不出奇。「好似我喺劇中個名叫楊明，郭可盈叫沈學儀，呢兩個名大把人叫啦，唔通我喺劇中嘅楊明哨牙，就代表我影射所有叫楊明嘅人都係哨牙咩？我唔覺得公司想影射任何人！」
謝天華又表示，重新配音當日由於他忘了佩戴假牙，惟有用兩隻手指插在口中，以便營造哨牙發聲的效果。
除重新配音外，無綫方面亦就今次風波作出連串補救行動，其中包括將刊登於《TVB周刊》中的角色對照表上，鄧浩光飾演鍾國昌一欄刪去。
記者：楊潔雯