踏入馬年以後，香港車壇可謂非常熱鬧，除有不少新車到港推售外，市場人事變動亦多。就正如屬少壯派嘅AlbertHui，早前出掌韓國現代汽車搞得有聲有色，令韓國車嘅知名度及銷量較過往提升不少。想唔到佢離職唔夠半年又再重出江湖，今勻竟然係接替榮休嘅KennethTsang，出掌大昌旗下嘅賓利同勞斯萊斯汽車銷售㖭！
聽聞Albert日前至正式上任，相信佢嚟緊會忙於賓利ArnageT嘅到港推售事宜外，短期內佢哋嘅Office重會同日產一樣，搬離鴨脷洲嘅大昌汽車服務中心；前者據知會響黃竹坑，而後者則會遷往九龍灣大昌汽車服務中心，相信兩者會跟班傳媒可以有更佳嘅聯繫噃！