新地將軍澳中心二期，禮拜一晚做內購，賣到第二日朝早，新地周國賢同林寶彤，捱更抵夜都要睇到實，結果賣出450個單位，賣到樓就算辛苦啲都值得嘅。
將軍澳中心場面墟冚（圖），地產代理出咗唔少力，美聯物業成績最好，做到130宗成交，可以跳bar，即攞到2個佣，屬下嘅香港置業都做到60宗，差少少先跳到bar。美聯昨日大隊勤到將軍澳中心售樓處為同事打氣，而該盤的合作夥伴如恒基張炳強，同華懋吳崇武都有到場。
美聯張錦成對成績感到滿意，會繼續全力做公開發售，重揚言若果成個盤總計贏咗，會同將軍澳區同事慶祝。張錦成又透露，他日前往地監局，其實是提出要正視代理「打交」問題，並非被召問話，希望外界唔好誤會。
蘭西