任港秀昨早在尖沙嘴拍攝棕南海芬蘭浴廣告，她一身便服打扮與芬蘭浴服務員一起介紹浴室設施，兩個小時拍攝獲五位數字酬勞。
任港秀早前與羅兆輝到英國，之後匆匆獨自回港，問她日前羅兆輝回港後有否與她通電，任港秀說：「佢打過一次電話畀我，話佢返咗嚟，我問佢『你點呀？粒瘡。』佢話OK冇事，我咪叫佢takecare休息吓囉。」
昨日有報道指任港秀因陪羅兆輝歐遊而慘遭無綫解約，她昨日說：「公司冇通知我喎，公司一向唔干涉我私生活，只要唔好失蹤就得。」問她覺不覺得因羅兆輝事件知名度大增，工作機會亦增加？她說：「啲工作係之前接落，呢啲知名度冇一個artist想要。」
對於有報道指無綫因不滿任港秀陪羅兆輝歐遊，影響藝員形象，所以要跟她提前解約。但昨日無綫外事部助理總監曾醒明否認其事，強調任港秀仍是無綫合約藝員。