要數至叻搵平嘢食的人，當然首選是零用錢有限的學生哥，除咗食還要儲錢買波鞋、CD和靚衫，換句話說，如果食店每逢中午均學生滿座，肯定係非常之平靚正。
記者：楊一凡
攝影：周旭文
餐牌上任何飯類及粉麵檬類均送杯7蚊飲品，你可選香茅豬扒飯、札肉飯、生牛肉湯檬或咖喱豬扒飯等，配三色冰、椰汁紅豆沙、真多冰、雜果冰或薄荷大菜冰等。如果是學生惠顧，全部飯麵餐只收$16，而且無論平貴都分量十足。
食店除了越式粉麵飯做得出色之外，潮式美食如蠔餅和滷水一樣有睇頭，因為店裏有潮州師傅助陣，蠔餅、香蓮藕餅、反沙芋頭和糕燒番薯等，統統都充滿家鄉風味。蠔餅配自製酸辣汁，醒胃酥脆。
多款煎釀小食如炸紅腸、魚肉釀豆腐、炸青椒仔、釀茄子、炸多春魚和魚蛋等，全都賣一蚊件。炸薯餅、腸仔及芋頭每件賣$2。
店名：亞洲小食
電話：24578766
地址：屯門安定商場新翼14號A地下