劉鑾雄前愛將王穎妤前晚偕友人蒲蘭桂坊，心情甚靚的她，一談到昔日提攜她的上司劉鑾雄時，竟然聲稱唔識對方，更有意與大劉劃清界線。
劉鑾雄前愛將王穎妤，前晚與兩位女性朋友在蘭桂坊現身，起初她對記者一直笑笑口，表現得十分友善，但一提到昔日提攜她的上司劉鑾雄（大劉）時，王穎妤竟然自稱不認識對方，且聲言雙方冇聯絡。
王穎妤離開華人置業後，今年年初在成龍有份投資的羽絨城開幕時，曾與大劉碰過面，當時大劉表現大方，並且不介意與王穎妤合照，反而王穎妤則左閃右避，表現扭擰。
其後大劉和女伴Yvonne新年結伴歐遊時，被記者在機場拍下照片。大劉當時表示有人近來不停刻意向傳媒洩露其行蹤，並聲言希望對方放過自己。
王穎妤前晚和兩位女友在蘭桂坊消遣完，往安蘭街新世界大廈的停車場取車時見到記者，當提到昔日上司大劉時，她竟表示不認識對方，記者問她言下之意是否要與大劉劃清界線，王穎妤聞言即說：「好多謝你哋幫我講咗出嚟喎！」
以下是記者和王穎妤的對話內容，記：記者 王：王穎妤
記：你近排有冇留意羅兆輝嘅新聞？
王：我同羅兆輝唔熟。
記：劉鑾雄對羅兆輝好好，呢個時候都重好支持佢。
王：（表現冷淡）係咩？
記：劉生好不滿有人透露佢新年去歐洲玩嘅行蹤喎！
（王穎妤默不出聲，沒有回答。）
記：咁你同劉生有冇聯絡？
王：我唔識佢，冇聯絡喎！
記：你唔識佢？佢係你之前嘅上司喎！
王：你都識講係之前啦！
記：咁你係咪同劉生劃清界線？
王：好多謝你幫我講咗出嚟喎！
記：你咁講係咪表明自己嘅心迹？
王：你哋今晚咪好so（意指着數）？咁多嘢寫！
記：咁你同劉生重有冇聯絡？
王：冇喎。
記者再追問王穎妤與大劉多久沒聯絡，及為何沒有聯絡時，她則不再作回應。
採訪：卓寶花 攝影：陳尚威