到新加坡的主要目的是入戲院睇反應，其次是食、玩、瞓。有幾個要好的舊同學是新加坡人，他們都是食和玩的專家，儘管我經常過去打擾，但他們每次都會找到新意，帶我去吃些未吃過的美食，像這次吃到的地道福建菜及「田雞精」便很有趣。
新加坡其實好好「蒲」，原因是因為安全。完全唔覺有黑社會問題，「蒲」嘅地方亦唔見有不良份子滋事，基本上全場個樣最似爛仔嗰個係我。濫用藥物問題在香港日趨嚴重，在馬來西亞亦很普遍，但新加坡則乾淨過乾淨，夜場的廁所內經常見到大字標題，大意是濫用藥物者有可能被判死刑，問你怕未?!
主要的蒲點是Velvet、Zouk及LiquidRoom，雖然每間的士高都有番咁上下大，但由於周末多人出嚟玩，所以真係迫到難以置信。新加坡與馬來西亞的女孩子普遍比香港的熱情，大家請留意，熱情並不等於隨便或放蕩，熱情的意思是友善、多笑容與玩得投入，大家旨在開開心心、嘻嘻哈哈，請勿曲解。
我說新加坡比香港好「蒲」，新加坡友人則堅持香港較好「蒲」，於是雙方達成一個協議，每年雙方均會到對方地盤過一個假期，全程由主場安排節目。這樣的話，雙方每年都肯定會得到一個食得招積、玩得出色、瞓得舒適的假期，毋須簽約，即日生效，真係諗起就開心死人。