昨日e-Kong（524）成交急增，股價升6.5％。舊年底經紀陳炒佢供股賺過錢，食過翻尋味又再博過，話短線重有得炒。
e-Kong舊年年底1供2，每股4.25仙，發行不少於31.39億股，集資1.33億元。收尾供股認購1.6倍咁多，但就冇經紀陳份，原來佢只係玩咗除權嗰兩日，真係短癮無比．
以噚日e-Kong收市價4.9仙同供股成本比較，橫睇掂睇炒家重未散到貨，現水平相信仍然安全。
經紀陳話，近排除咗有行家周圍唱e-Kong有得炒外，公司本身亦好識做，近期話自己發展長途電話業務好掂，有機轉虧為盈，加上隻股一直深受炒家歡迎，一話有得炒，分分鐘成班人一擁而上，可以作為短炒對象。
另外，裕豐（965）有份嘅富昌國際（916），噚日公布招股3億股，集資淨額3600萬元。經紀陳話隻股有人照顧有得炒，不過睇怕唔易攞貨。