一提起Reebok，自然會諗起PumpFury系列，由初推出成個花園街都冇人買，到後尾Bj殃rk一着，即炒到幾千銀，經典例子相信大家會明乜叫潮流！成為了潮流指標後，好自然會一年出一對去吸你銀包嘅錢，最新系列只限女裝。其實Reebok新PumpFury冧女好理所當然，睇番近年最出位嗰對PumpFury，其實就係01S/SChanel特別版。順便一提啲波鞋友，網上FootLocker都有唔少好嘢賣，有心人可以上去一睇。
記者、攝影：馮彥彰
「鹹魚翻生」後的ReebokPumpFury，再加上其專有的DMX鞋底，再推出粉色系列，曾被譽為設計最特別的球鞋，2002年最新行版，全部玩粉色，粉紅、藍灰相信係最多人買嘅色，再加上DMX技術的氣墊鞋底，相信係Reebok唯一可以跟其他品牌爭的優勢。而價錢亦「遷就」本港經濟，平了少少！
U-ShuffleVizDMX6
戶外鞋一向都係夏天出街首選，少出呢類型鞋的Reebok都趕趕潮流，出對U-ShuffleVizDMX6，放棄用鞋帶設計，加上尖圓款式鞋頭，相信唔着Woven的朋友又多一個選擇。
傳咗好耐的Iverson終於有行貨，跟主人一樣，走古怪路線，冇鞋帶外形加上Iverson個樣喺鞋底，係今年買完Jordan17後另一必買之選，有埋藍、紅、白同灰可以買到！
睇過Reebok，重記得之前的adidas同埋Nike吧，今年夏天波鞋潮必再玩設計，好似adidas的ClimaCool，Nike的Woven，AIRZOOMHAVEN等，都係玩設計兼顏色！
唔識英文就去下面呢個香港網站，專講炒鞋買鞋，而且集齊全世界最新波鞋料，重會教埋你去邊度入貨，快過你睇本地周刊！唔少記者行家都喺呢度搵料㗎！
網址：
大家都知Jordan新鞋成日出，怕買唔到，又唔想去NIKE門口排隊買，可以去呢度Footlocker網。其實佢哋已接受香港訂購，而且價平合理。呢期就最好入Jordan十代。連埋郵費都係約$1,000度。
網址：
少上網可能唔知，呢個網嘅網主一早喺ebay.com已經出晒名，專賣鞋辦、炒鞋，擺明係賺你香港人同日本仔錢，乜鬼貨辦炒版都有，上去睇包你冇蝕底。
網址：
售賣點：
(R）Reebok（28909220）銅鑼灣皇室堡二樓舖
(a)adidas（27306685）尖沙嘴海港城2202店