安琪梨近似啤梨，大家現正可以喺部分果檔或超市搵到嘅就係安琪梨。安琪梨表皮較滑溜，青BB嘅安琪梨唔使等到催熟果肉都同樣腍滑，而且汁多又甜美。安琪梨主要嚟自美國，三月前食安琪梨更甜更多汁。醒個貼士大家，喺超市買安琪梨重抵，兩蚊個都唔使；果檔則賣緊十蚊四個。
記者：陳冰麗
枸杞有清肝明目功效，過咗年，學生哥又要開始埋首溫習功課應付考試，食多啲枸杞葉或者對佢哋有幫助，其豐富嘅維他命C有助增強視力，讀書都醒啲。
枸杞要夏天至容易搵到，剛上市嘅枸杞貨源唔多，部分菜檔至有出售。枸杞多以滾湯為主，可以配豬肝或肉片滾，老人家視力開始衰退，食枸杞係明智之選。
記者：陳冰麗