羅兆輝去年跟台灣女友林伊凡分手，原來他這位女友曾經進軍樂壇，可惜只出過一張EP唱片，且反應欠佳。林伊凡索性專心求學，後來認識了羅兆輝，但拍拖年多又因羅兆輝的精神狀態而告分手。
羅兆輝兩年前在富商林建岳一個宴會中認識了台灣女友林伊凡（Eva），原本兩人感情不俗，但後因Eva發現羅兆輝神志出現問題，所以主動跟他分手。
原來Eva亦大有來頭，並非一個普通的學生妹，九九年她曾進軍台灣樂壇，簽約環球唱片，算起來可說是張柏芝師姐。Eva出過一張名為《熱情總動員》的EP唱片，碟內有三首歌曲，包括《MySweetPassion》、《VenusPassport》及《別讓愛生銹》，可惜此碟反應平平，所以她其後在樂壇亦銷聲匿迹。
日前記者與羅兆輝提起Eva，他說：「我都好掛住Eva，但我哋都有一排冇聯絡。佢對我真係幾好，以前每逢禮拜五，佢搭飛機嚟香港見我，一定會帶埋台灣最有名嘅鼎泰豐小籠包畀我食，又會陪我去長洲探婆婆，佢真係幾有老人家心，我阿媽都好鍾意佢，𠵱家我同佢分咗手，都係怪自己唔好。」
羅兆輝對Eva讚不絕口，他說：「佢跟我嗰陣，我已經冇乜錢，真係唔知點解，佢重肯跟我，以前Eva每逢禮拜五搭夜機嚟香港，到禮拜一就搭早機返台灣讀書，咁頻撲，我都覺得佢會好辛苦，但佢從未有半句埋怨。Eva係一個幾純嘅女仔，我都希望佢可以得到幸福。」