講開鄭維健佢哋，八方知道競選辦喺大功告成後會正式收兵，各人會返回自己崗位，鄭公子就話明唔做部長，阿董唔知有冇肥缺打動佢嘅「芳心」，令佢留喺建制為特區服務？至於丘李賜恩，佢再三向八方保證，下周一定返回九鐵，繼續幫楊啟彥手，外間傳佢去坐林D8個位純屬揣測，並無其事。
另一員猛將楊志剛，則會去澳洲TDC辦事處上班，舉家又再次暫別香江。
至於由公關公司借調嚟嘅兩位女將鄭誼群同蘇麗芬則返回公司。
競選辦主席梁振英助選成功，功勞至大，想必獲老董挽留在行會，能否再當召集人或做部長則要睇老董想點重組班底。一切盡在不言中，老董連任，肯定有人快樂有人愁，有人辭官歸故里，有人漏夜趕科場，好戲在後頭。
E-mail：