農曆年假過後，香港車壇湧現有唔少歐、日新車，亦有唔少汽車代理正積極搵舖開新陳列室㖭！睇嚟踏入馬年，有唔少人都睇好今年香港經濟同車市喎！當中，除MiniCooper落實會響灣仔開陳列室外，另外本田亦早已響沙田覓得靚位置，並準備響3月底前開張㖭！佢個新陳列室位置點靚？咪開正響豐田對面囉！據亞Mark所知，豐田響沙田嘅陳列室，自大半年前開業以來，經已成為一眾分行嘅銷量之首，可見響沙田開舖除咗人流有保證外，購買力亦毋庸置疑，又難怪本田咁識諗，千揀萬揀都要齊齊響沙田搵食啦！