香港話劇團唔經唔覺已經成立二十五年，八方以前都係發燒友，每次買兩張飛，唔係兩個人睇，而係一套劇連睇兩次。所以，昨日去佢哋個記者會，見到班演員都有啲親切感。
今個劇季，佢哋首套劇係《如夢之夢》，由阿姐汪明荃做上海名妓顧香蘭，不過阿姐人在北京開會，只係打長途電話嚟。至於劇團理事會主席周永成就好幽默，佢話近日做主席講多錯多，所以自己唔講咁多。點解咁講？佢係藝發局前任主席嘛，何志平單嘢咁「杰」，當然有感而發啦。
（圖）阿姐幫香港話劇團做話劇，會扮演上海名妓，大家等睇好戲啦。
E-mail：