黎明（Leon）和劉美君昨日在紅磡為胡楓的「楓Show人生七十年胡楓演唱會」綵排。羅兆輝自稱近日心儀舒淇，並有意追求，黎明對此說：「羅兆輝最近成為城中熱門話題，所以我都有留意佢啲新聞，不過每個人有自己定位、有唔同角色，今次我只係做一個觀看者，冇打算做發言人。世事每日都變化萬千，如果我每件事都發表評論，可能會對涉及件事嘅人，造成唔公平。」
黎明又認為外間人不應該用「精采」兩字，來形容羅兆輝大爆圈中女星與富豪的性史，他說：「其實呢件事對圈中人會造成好深遠影響，大家試吓從另一個角度睇呢件事就會明白，𠵱家我認為應關心香港經濟。對於有fans寫信畀報館要生要死，我因為未收過，所以唔想回應。」