財爺阿松日前公布財政預算案嗰日，讀咗一段《獅子山下》嘅歌詞，搞到全城一片《獅子山下》熱潮。八方噚日同香港作曲家及作詞家協會（CASH）嘅老友食飯，講開公開播放歌曲收版權費嘅問題，於是八吓咁樣使唔使畀版權費。老友話原來喺立法會裏面講係有豁免嘅，所以阿松唔使畀錢。
咁啱阿松噚日又喺港大公開演唱呢首歌，八方於是又問吓咁又使唔使畀錢，原來除非大學搞演唱會或者舞會，只要阿松喺一個學術為主嘅場合下唱歌，又係唔使畀版權費㗎。咁阿松以後咪可以多啲揀呢啲地方唱佢深愛嘅《獅子山下》囉！
E-mail：