厚福街巧遇有利時小霸王之稱嘅利時Ｄ，利時Ｄ罕有地請客，雖然只是五蚊十粒燒賣，確實已十分難得。席間，利時Ｄ打探是否家具熱蔓延？佢舉出例證幾個：「以前班客開口埋口都講藤織鞋束腳褲，𠵱家就講Eames(代表作兩頭搖安樂椅）、Panton（代表作倒模纖維櫈)、EeroSaarinen（當年油麻地小輪豪華位啲櫈都用佢嘅設計）……」利時Ｄ一口燒賣一啖煙繼續講：「以前星期六、日班客實遊勻各水貨舖睇新衫，𠵱家就轉晒行中環陳米記、上環摩登拎、銅鑼灣鋁記睇家具，睇中就即興嗌架貨Van自己搬櫈返屋企。」講到激動處，他又攤開雙手：「以前我門口批熟客，着晒成身最勁嘅別注衫企喺商場入口，交換最新情報，𠵱家就轉晒陣地，寧願上一層嘅『無記』家居店研究家具，𠵱家地下已冷清清冇晒人。」利時Ｄ話正考慮轉型做型仔家具舖。
主持人：大食Jack
八卦熱報：