記得去年新任財爺梁錦松提出，香港要做「超級曼哈頓」，但美國經濟下滑，加上發生911事件，這口號已束之高閣。際此財爺剛發表首份預算案，「911」又半年，八方早前特地飛去紐約，感受一下紐約嘅氣氛。
在紐約八方見到最多嘅，相信係美國國旗，由機場到大小商戶、辦公室，以至紐約交易所門外嘅大圓柱，都以不同方式展示美國國旗，令人感受到「911」慘痛經歷後，當地銳意強調愛國嘅凝聚力。不過奇怪的是，當八方與紐約人傾談時，他們大多刻意避忌講「911」幾個字，而係以「該事件」（theevent）形容，可能「911」對佢哋嘅衝擊實在太大，令佢哋唔想重提該日子。
事隔半年，但世貿中心附近不少商廈仍然封鎖，當局特別在世貿中心東面搭建看台，畀市民及遊客憑弔一番。不過傷痛還傷痛，世貿中心附近嘅名牌特價公司「21世紀」剛剛重開，排隊搶購嘅人不下於在世貿現場外圍觀看嘅遊人。畢竟整日愁雲慘霧不能解決問題，盡情購物反而可以紓解傷痛，告訴恐怖分子「紐約已經復甦」。
E-mail：