上周滙豐公布業績，八方提過主席龐約翰去年𢭃咗二千萬年薪，成為最高薪的銀行大班，但呢份工唔易做。
八方噚日見到龐約翰接受《亞洲華爾街日報》訪問時，披露𠵱家每年有至少一百五十日要環遊世界各地，同各地的滙豐分支管理層及客戶見面，解釋業務方針及路線；即係平均計算，一年入面，佢喺外地的時間佔近一半，稱之為「全球銀行家」全無誇張。
龐主席今次重講明，點樣先算係一間成功銀行，佢嘅定義只有兩句說話：「良好嘅風險管理」及「良好嘅成本控制」，就係咁簡單。
（圖）龐約翰一年有一半時間四圍飛，真係健康差啲都捱唔住。
E-mail：