「我冇牀瞓唔緊要，連累個仔都要打地鋪，我真係好難過！」精神病患者阿全向記者訴說。
四十歲的阿全，月前獲房屋署恩恤分配公屋單位，得以減輕屋租負擔及改善居住環境，可是他近期失業後，帶着九歲大的兒子倚靠綜援金維持家計，勉強應付新居的屋租及水電按金後，再無餘錢購買基本家具和電器。
阿全述說其身世﹕「我二十一歲患上精神病，經過長時間治療，已經好番好多。點知呢幾年經濟環境唔好，我打份地盤工，成日冇工開、冇收入，搞到心理壓力好大，結果前排開始有番手震、失眠同情緒唔穩定嘅病徵，要日日食藥、定期覆診。」
精神衰弱令阿全身心飽受困擾，更導致婚姻破裂。面容憔悴、兩眼布滿紅筋的他欷歔地說﹕「老婆舊年提出離婚，跟住想帶個仔返大陸住，後尾經社工調解，我至可以同個仔一齊。」
刻下，阿全急需一張雙人牀、衣櫃、電飯煲及煮食爐與兒子開展新生活。「舊屋用開嘅家具電器，都係業主擁有。如果我攞啲生活費去買牀同櫃，就會唔夠錢食飯，所以希望大家幫吓我！」阿全期盼着說。
捐款編號：C0489
暖流熱線
電話：29908688
傳真：23702192
電郵：
網址：