【本報訊】羅兆輝於本月八日晚返港,至昨晚為止,已有四日足不出戶。據知這幾天他靜心在家休養,其父母分別找來中西醫生為他治病,據悉羅兆輝的精神狀態已漸漸好轉,羅兆輝前晚對記者說:「食咗藥之後,成個人都幾攰,所以我好多時間都喺房間休息。」
中醫師陳國聯,昨晚六時半左右抵達羅兆輝寓所,準備為羅兆輝診症,陳國聯被問到羅兆輝精神狀況如何時,他說:「康復中,你哋唔好再打擾佢!」
至昨晚七時二十分,羅兆輝好友Roger送陳醫師離開,問Roger羅兆輝是否準備發聲明,向曾被他爆性史的富豪和圈中女星道歉一事時,Roger說:「我就係忙緊呢啲嘢!羅兆輝唔出街㗎啦,佢要休息吓!」
據知,羅兆輝將於今日發出聲明,向被牽連的富豪及女星道歉。
Roger又表示,陳醫師現正為羅兆輝排毒,有記者問到羅兆輝現時可有吸食可卡因時,Roger說:「你信唔信吖!你哋(記者)喺度,邊度有人敢攞上去?」Roger指昨日劉鑾雄返港後曾致電慰問羅兆輝,但記者問到可有人致電問候羅兆輝時,Roger說:「我cut晒佢其他電話,呢個係我意思!」