肥姐沈殿霞昨日在愛女欣宜陪同下，入院準備今天的割膽石手術，心情緊張的肥姐到達醫院後，得到特別由加拿大返港的欣宜親吻，頓感欣慰，實行以母女濃情減輕手術前的緊張心情。
沈殿霞（肥姐）昨早七時左右先到機場接女兒欣宜機，由於今次肥姐入院割膽石，適逢欣宜放假，故她專程由加拿大返港陪伴母親左右。
肥姐與欣宜其後由機場到沙田威爾斯親王醫院，同行還有肥姐的友人、菲傭及司機。甫到達醫院，心情緊張的肥姐得到欣宜親吻，頓即輕鬆許多。
肥姐在醫院接受訪問時說：「咁啱欣宜放幾日春假，咪請多五日假返嚟陪我囉，我做完手術要拖住佢隻肥手仔先有無比力量㗎。」
今次肥姐的割膽石手術由鍾尚志醫生負責，肥姐表示：「佢係全港九出名嘅『攞膽專家』，我一陣見糖尿病醫生，然後再見麻醉師，睇吓情況點先知聽日幾點做手術，𠵱家開始要禁食二十四小時呀。」
肥姐自言現時體重是歷年的新低點，只有八十五點五公斤（約一百八十八磅），肥姐說：「我由年廿八開始瘦到𠵱家，原來唔食油膩嘢瘦得好快，我今朝都只係食咗粥，唔敢亂食嘢。」
肥姐帶了兩篋行李到醫院，她透露帶了一個健康枕頭、觀音像、平安符、口罩及筆記簿等，肥姐說：「我瞓其他枕頭瞓唔着㗎，所以帶健康枕，觀音同平安符保平安啦，我做完手術後要四十八小時唔講嘢，怕洩咗道氣，所以要戴口罩叫自己唔好講嘢，有乜就寫落筆記簿囉。」肥姐本正拍新劇《我要Fit一Fit》，但今次入院，到本月底始能復工。