五歲的Bobo似乎獲知自己得到犬隻服從比賽高級組的冠軍，表現興奮，在草地跳來跳去。與牠合作四年的新界北衝鋒隊警員陳炳豐笑言：「佢知道自己得獎㗎！平時搵到偷渡者後，都會好寸咁周圍示威！」一人一犬隸屬新界北衝鋒隊，專責搜索偷渡客等。
警犬隊第七屆犬隻服從比賽昨於警察體育遊樂會草地進行，共四十多隻巡邏警犬參與，外表兇猛的警犬，面對市民表現友善，並與在場小朋友玩耍。
獲得高級組冠軍的Bobo表現一直卓越，數月前一名偷渡客以刀指嚇老婦，劫去財物後逃去。陳Sir與Bobo接報到場，但翻越兩個山頭仍無發現，突然一陣風吹來，Bobo即時奔向附近的墓地，向着一個已荒廢的墓穴狂吠。陳Sir忙翻開墓上的草：「個偷渡客真係匿埋裏面，原來Bobo係聞到俾風吹出嚟嘅恤衫味！」Bobo聽到讚揚便在主人腳邊挨來挨去撒嬌。陳Sir：「我老婆話我對隻狗重好，成日陪狗去街，但放假就唔陪佢！因Bobo唔會哦我吖嘛！」
警犬隊約有百多名領犬員，只有十多名為女警，同屬新界北衝鋒隊的鄧雪恩，陪伴四歲的警犬「快捷」成長，當年只有數個月大的快捷因染腸胃病而奄奄一息，幸獲鄧悉心照料而痊愈。快捷昨更獲公開組季軍。
本報記者