藍籌之中，新世界（017）比較墮後，不過通常炒完一線精英股之後，好快會輪到呢類墮後藍籌有運行。係時候買定新世界Call輪等收錢。
新世界Call輪4件，以9172最值得整番幾手，其次係9154。
9172（10月到期，現價17仙）勝在溢價喺各輪中最低，得6%，輸蝕在槓桿率只有3.9倍。9154（9月到期，現價47.5仙）則有最高槓桿率，去到14.1倍，輸蝕在溢價最高，去到21.2%。正股若然慢慢升，揸9172着數；正股若然快快升，揸9154着數。
上禮拜港股成交較前禮拜增加25%，係舊年6月以來最高（除咗12月頭嗰個禮拜），淨係啲輪炒炒炒，已經帶旺交投好多。股市向好，必然伴住交投增加。邊隻股票喺交投上升之中得益？對，就係港交所（388）。
港交所Call輪要望多兩眼。5件中有兩件諗得過，即9104同9089，交投最多。9104勝在最遠期，現價21.5仙，溢價7%，槓桿率5.6倍，數據算唔錯。9089則勝在溢價2.3%，各輪中最低。