鄭裕彤前晚與著名建築師明嘉福、一男性朋友及兩女伴同到蘭桂坊晚膳。他對有關好友羅兆輝近日失常大爆城中富豪性史的問題均不作正面回應，還否認自己富豪身分，並強調沒有追女仔。而明嘉福則謂覺得羅兆輝精神有問題。
新世界發展有限公司主席鄭裕彤前晚罕有地在蘭桂坊出現，他與著名建築師明嘉福、一名男性朋友及兩女伴，一行五人於昨日凌晨十二時許離開中環加州大廈，他表示因有朋友生日，故到蘭桂坊晚膳。鄭裕彤前晚心情極佳，不過對於有關羅兆輝大爆城中富豪性史的提問，均表示不知情，而他亦強調自己從不追女仔，又否認是富豪。
（鄭：鄭裕彤 記：記者）
記：有報道話有富豪要聯手對付×××。
鄭：我唔知呀。
記：你係富豪，點會唔知呀！
鄭：我唔係呀。
記：你會唔會幫×××同羅兆輝做和事老呀？
鄭：點知啫，呢啲嘢……
記：羅兆輝返嚟有冇打電話畀你？
鄭：冇呀。
記：佢幫富豪追女星，佢有冇介紹女仔你識呀？
鄭：你問我，我點知啫，我唔追女仔㗎！
記：你會唔會打電話畀羅兆輝？會唔會借錢畀佢？
鄭：我都冇佢電話，點打？
記：你覺得佢精神有冇問題？你會唔會怪佢呀？
鄭：真係唔知呀。
記：佢開名講富豪嘅嘢，你怕唔怕佢講你呀？
鄭：唔驚，我自己又冇追女仔。
與鄭裕彤同行的明嘉福，則表示已很久沒與羅兆輝聯絡，並覺得他精神上確有問題。
（明：明嘉福 記：記者）
記：羅兆輝爆富豪性史，你怕唔怕？
明：你哋最好唔好理佢咁多，佢就冇咁多嘢講。我哋嚟飲杯嘢㗎咋。
記：佢有冇問你借錢？
明：佢唔會問我借錢，我哋冇生意來往。
記：佢最近言行舉止咁瘋狂，你覺唔覺得佢精神有問題？
明：佢精神確係有少少問題，又生大粒瘡，又亂講嘢。
記：你會唔會借錢畀佢？
明：我係普通人嚟咋，我唔係富豪呀。
記：你會唔會探佢同慰問佢？
明：等佢休息吓先啦。
其後，鄭裕彤一行人坐車離開，鄭裕彤先上其平治座駕，其男性朋友則與兩女伴一起截的士，但他卻向鄭裕彤說：「等陣見啦。」相信眾人事後仍有約會，而明嘉福則自行離去。