早個星期亞Mark曾經同大家提過，話嚟近呢個周五至周日（3月15日至3月17日），兩大歐洲品牌嘅平治同寶馬，分別有大型車展舉行，位置重喺灣仔會展同毗鄰添馬艦舊址㖭！除咗已知前者會以全新E-Class掛帥作預展外，原來寶馬方面亦要來得陣容龐大；不僅有頂級M3SMGⅡ特別版之餘，重有全新配備SMGⅡ半自動波箱嘅325同330型號。而全新Z32.2開篷跑車，更要較原來3.0型號慳油及便宜出十多萬，定價為30萬8千元！重有，給予車迷有耳目一新之感嘅316tiCompact，車價則為21萬8千起，從而令寶馬3系變得更平易近人，又難怪部車會成為銷售重點啦！