日前喺三八婦女節嘅酒會上，八方碰到唔少女中豪傑，好似李樂詩、蕭芳芳、張妙清、張綠萍同羅范椒芬等等，當然唔少得林鄭月娥。
林太自從做咗社會福利署署長後，都冇機會停過，有一次重因為趕買餸，遲咗去一個星期日嘅活動，八方笑佢真係了得，既做高官又唔肯將家務交畀他人做，自己做埋菲傭，重要服侍丈夫同兩個細路，認真唔簡單。
不過，八方知「靠自己」係林太嘅原則，幾辛苦都唔會改，於是就問佢嘅舊患好番晒未，佢苦笑話，隻手好就好番，但係天氣變就風濕痛。唉！真係服咗佢。
（圖）林鄭月娥係現代婦女嘅表表者，堅持「靠自己」，唔請家傭。
E-mail：