梁錦松首份預算案出台，反應出奇理想，連噚日城市論壇都冇乜人鬧，八方都覺得幾意外。
阿松在公布之前，將支出及收入部分合併，引起班尊貴議員不滿，搞到要周太去投訴，煲呔去道歉，真係笑死街坊，亦充分反映議員嘅質素。
另外，阿松又唔預早一日展示預算案封面，又冇咗引經據典嘅八隻字；宣讀當日，重一粒鐘就讀完，罕有精簡。
商界嘅老友話，阿松其實唔係冇做嘢，佢做嘅，就係將前兩三年煲呔所做嘅扭轉。例如減紅酒稅，去年建議加水費，去年加公務員人工四點九巴仙等等，阿松全部對着幹。
咁有乜微言大義呢？佢都話未知；不過，CEO同AO分別，呢一仗就好清楚喇。
E-mail：