普通話大賽似選美「我今年××歲，最鍾意係做乜乜乜，希望今日嘅表現唔會令大家失望。」多位妙齡少女逐一上台介紹自己，若你噚日啱啱路過將軍澳的東港城商場，一定誤以為是甚麼選美大會，連大會司儀王喜都禁不住搞笑話：「𠵱家好似乜乜選舉咁。」
咁多美少女，其實佢哋係競逐「第五屆粵港澳普通話大賽－香港區選拔賽」，講到語言能力，女士一向較男士標青，正如昨日嘅大專組比賽中，十個入圍參賽者當中，只有一個男仔朱博，難怪他亦坦言自己是萬綠叢中一點紅，頗有壓力。
八方坐喺度聽新一代講「煲冬瓜」，果然係唔可以忽視嘅新一代，個個伶牙俐齒，讀來順耳流暢，比起不少高官或立法議員來說，他們可說是超班馬，令人深信新一代日後要打進國內市場謀生也會得心應手。
（圖）大會特別請嚟著名小提琴家姚珏（左）頒獎，姚珏係魯平「新抱」，國語梗係一流啦。
E-mail：