一年一度中環怡和大廈跑樓梯比賽噚日舉行，吸引超過五百人參加，好多參賽者都扮鬼扮馬，好似有參賽者打扮成卡通人物聰明笨伯、相撲手等造形去跑樓梯，外形得意趣致，甚至有參賽者打扮成銅鑼灣時代廣場嘅觀光電梯，吸引唔少市民圍觀同影相，亦有參賽者帶埋隻愛犬去跑，一於同愛犬分享跑樓梯嘅樂趣！
結果由一位外籍男士以六分五十七秒最快跑完四十九層、合共九百八十級樓梯而勝出，雖然今屆比賽未能打破最快紀錄，但可以為智樂兒童遊樂協會籌得五十萬元，發展醫院遊戲計劃，幫助住院病童，不枉參賽者上氣唔接下氣咁鼎力支持。
（圖）跑樓梯參賽者打扮成卡通人物增添熱鬧氣氛。
E-mail：