阿松的財政預算案，除將公務員「祭旗」外，在協助弱勢社群方面亦寥寥可數。昨日在職工盟舉辦的論壇上，一名從事生果批發的黃女士就對預算案及香港表示沒有期望。她斥道：「我睇唔到政府畀到乜嘢希望我，董建華做一個五年，香港衰十年。」
黃女士哭訴說，自己有五間舖位，但過去數年都蝕本，工人的花紅及雙糧都已減去。「我問夥計點算，佢哋自願收五成人工，但又可以捱幾耐？」她慨歎以往交稅好開心，現在就算肯捱都無稅交。
黃女士又強烈質問高官：「夜晚十二點半嗰陣，你哋班高官做梗乜？我唔係話你哋去唱卡啦OK，去玩，但你知唔知我哋啲工人係到捱梗做嘢，咁做都係唔夠。你哋收咁多人工對唔對得住良心！」
在場的職工盟秘書長李卓人在安慰黃女士之餘，諷刺梁錦松用《獅子山下》來勉勵港人實在太可笑：「以前人哋穿膠花時代，人人有工開；但𠵱家高科技、知識型經濟，反而唔係人人有工開，同舟有無共濟？」
記者 許瓊霖