過年前傳媒先後參觀過煲呔同阿松新裝修的官邸，大開眼界之餘，亦知道全港得佢兩個、阿董、詩姐同李國能五人有官邸，其他人嘅只係宿舍，級數不能相提並論。不過，隨着阿董成功連任，部長制亦即將出爐。新部長大增，除了煲呔、阿松同詩姐三人有官邸，其餘嘅點安排係一個有趣的問題。
坊間估來估去，新部長人數至少都有八、九位，如果淨係得三個有得住半山超豪官邸，無形中分成超級部長同次級部長，咪即係搞分化？成日講話要團結的阿董，照理絕不容許出現這樣的情況。況且有間似樣的官邸畀各位部長招呼各國貴賓官員，亦係香港嘅體面。但去搵半山豪宅讓大官住，點共度時艱呢？
現時三司官邸，分布於白加道、壽臣山同施勳道，與誠哥等富豪咁上下級數，唔係有錢就住得；如此福利，若個個部長都要，恐怕難塞悠悠眾口；但有人有、有人冇，又唔公平。阿董真係幾難諗。
E-mail：