電訊管理局局長王錫基昨日出席在會展舉行的資訊基建博覽時，好坦白咁同八方講，近期收到好多關於手提電話合約的投訴，主要係條例不清楚，有事唔知點拗。
其次就是有人投訴i-cable的寬頻服務貨不對辦，上網速度重慢過「窄頻」，雖然營運商話提供十M寬頻，但係要成座樓的用戶一齊分，當好多用戶一齊上網的時候，速度自然減慢。
昨日還有一段小插曲，話說正當八方同王局長傾到興起時，有位參觀展覽的市民兜口兜面問王局長，「你係咪王乜基？」王局長面不改容之餘，更即刻好有禮貌咁，奉上自己的名片。如果所有電訊商的服務態度都好似王局長咁正就好了。
E-mail：