為提高小學生學英文嘅興趣，教育署舉辦咗個英語營，透過歌舞同話劇活動，幫小四學生克服應用英語嘅障礙。教統局局長Fanny羅、語常會主席田北辰同教署署長張建宗，噚日都暫且拋低繁重工作，齊齊參觀英語營，佢哋重同班小學生打成一片。
近期城中紅人田二少就最鬼馬，除帶頭同班小朋友一齊載歌載舞外，又童心未泯地戴埋頂有老虎圖案嘅紙帽，𠱁到班細路鬼死咁開心，個個離開個營前，都爭住搵三位喺CampBook上「揼」印。雖然佢哋三位大受小朋友歡迎，但原來好多小朋友都唔知佢哋係何方神聖，而稍為多人識嘅Fanny羅，又俾人講錯銜頭係教育署署長，真係唔知好嬲定好笑。
（圖）田二少（左）戴住頂老虎公仔紙帽，同小學生打成一片。
E-mail：