愛爾蘭人向來喜歡餐前餐後啤一啤，啤酒、威士忌都是他們的心頭好，款式更加多得不能盡錄，想一一品嘗？無問題，最近在蘭桂坊新開張的WhiskeyPriest愛爾蘭酒吧，就正好可以滿足你的要求，除了擁有大量愛爾蘭品牌啤酒外，更添置超過六十款來自世界各地的威士忌，如英、美、加、印度及日本等等，有酒當然有佳餚，傳統愛爾蘭小食、午餐、晚餐隨時奉上。
記者：黃婉冰
攝影：陳穎
酒名奇得有原因，全因店方將Menu做到好似聖經咁，酒名即是第69章第4節咁解。飲此酒要有規矩，一定要由深到淺，濃到淡咁逐杯一次過灌落肚，第一杯是最濃味的Guinness，跟着是Kilkenny、Harp，最後到較甜的IrishWhiskey，一於要你先苦後甜。
試味報告：
Guinness味道雖濃但未至於苦澀，IrishWhiskey甜味較高，但酒味唔算太濃烈，一個價錢飲四款不同啤酒又有威士忌，確實幾抵飲。
飲酒都有五十、五十？唔好睇小呢杯黑黝黝的Half&Half，要做到兩種酒不會混為一體，顏色分明，非常講求斟酒技術，上一層是Guinness黑啤，下一層是愛爾蘭啤Harp，味道同樣分明。
試味報告：
這款酒得意在兩種酒雖在同一杯內，但酒味非常分明，未飲第二層都唔會知係咩味，有獨特風格。
除薯仔、麵包、香腸外，羊肉同樣是當地人必有的食物之一，將羊腿起肉拆骨，加入羊湯、紅酒、紅蘿蔔、薯仔、洋葱用慢火燴上數個鐘，家庭式小菜，風味十足。
試味報告：
羊肉較羶，接受程度因人而異，汁料味道偏向淡，對一向喜歡濃味的香港人來說可能未必接受得到。
薯仔在愛爾蘭人心目中等同中國人的白飯，他們無薯不歡，炮製薯仔的方法更是層出不窮，腸仔薯茸便是家常菜之一，將微辣的豬肉腸煎香伴以薯茸，加入葱絲的薯茸，就是他們口中的「Champ」。
試味報告：
香腸無德國腸的煙韌外表，但香料味絕不遜色，薯茸加入葱絲，入口更香，薯茸軟滑，香腸同薯茸一齊食更為惹味。
以前愛爾蘭人非常貧窮，而主糧只得薯仔麵包，所以他們喜歡在烘過的白麵包上塗大量牛油，放滿炸過的薯條，再淋上自製肉汁和牛扒汁，幾樣材料夾住一齊食，早、午、晚三餐，一包通行，雖然簡單，但現在依然大受歡迎。
試味報告：
愛爾蘭麵包口感有點似法國麵包，入口有香濃牛油味，夾住薯仔蘸肉汁食無咁乾。
Fish&Chips是酒吧餐牌上必有的小食，外表普通，但解構過後就會發現內有乾坤。選用歐洲一種叫WhiteFish的新鮮魚柳，沿用當地傳統做法，用麵粉加入Harp愛爾蘭啤酒，以酒代水做外層脆漿，特製沙律醬汁，為魚柳增添多幾分惹味。
試味報告：
魚柳有半隻手掌大，魚肉炸得剛好，不至嚡口，外層香脆有鮮味，但略嫌欠缺啤酒味。
店名：WhiskeyPriest
電話：28690099
地址：中環蘭桂坊12號地下及1樓
座位：78個
營業時間：星期日至四上午11時半至凌晨1時，星期五、六、日上午11時至凌晨4時。
付款方法：現金及信用卡(Visa,Master,Diners,AE,JCB)