十七歲品學兼優的傑仔，患先天性肌肉萎縮症，自小便不良於行；隨着年紀增長，其腰骨和手腳功能每下愈況。職業治療師建議傑仔改用一部電動輪椅代步，可是出身貧家的他，實無法負擔六萬多元購買，有待善長援手。
記者日前到特殊學校探訪傑仔，途中看見他坐於一部手推輪椅，需靠校工推動離開課室。一臉無奈的傑仔低聲說：「我對手愈嚟愈冇力，𠵱家就算坐輪椅行平路，都要人幫手推！」
傑仔患先天性肌肉萎縮症，自幼腰骨和雙腳乏力，須坐輪椅出入，且容易患傷風感冒，要倚賴母親照顧其起居生活。
傑母劉太憶述：「傑仔細個學企嗰陣好困難，而且無辦法行到路，於是我帶佢睇醫生，結果證實傑仔患肌肉萎縮症，影響腰骨同腳部活動能力，需要入讀特殊學校學習同接受治療。」
年約五十歲的劉太歎謂，傑仔多年來有賴慈善團體借出的手推輪椅代步，惟近年他雙臂及腰骨活動能力日漸退化，無法再自行推動輪椅。而劉太每次費力推動兒子坐輪椅出入，均會觸及肩膊及手臂舊患，苦不堪言。
然而，令劉太最感安慰是傑仔一向努力進取，學業成績名列前茅。「傑仔自細已經好專心做功課同溫習，今年要應付會考，佢就更加用功，真係好生性！」劉太微笑道。
由於傑仔難再自行推動輪椅代步，職業治療師近日替他進行評估後，建議他購買一部價值六萬六千七百五十元的電動輪椅，該輪椅車身較重，適合上身略為肥胖的傑仔使用。
可惜傑父親從事地盤散工，收入勉強夠應付妻子及一對在學兒女的生計，並無積蓄，實難以負擔如此龐大支出。
「我好想有部電動輪椅用，可以出入自如，自己返學放學。」傑仔的心願，有待讀者成全。 捐款編號：C0484
暖流熱線
電話：29908688
傳真：23702192
電郵：
網址：