環康集團昨日在理工大學開股東周年大會，主席蔣麗莉（Lily）挺着個大肚出席。提起蔣麗莉，就令八方諗起佢喺太平洋興業（太興）時，與班挪威股東的恩怨。
話說Lily喺○○年以億九元收購差不多百分之三十太興股權，想話注入自己的科技業務，點知喺股東大會遭反對，當時的矛頭重直指班挪威股東。後來，太興配股畀獨立第三方，點知就俾獨立股評人DavidWebb在自己的網頁上質疑，話太興無集資需要，配股有攤薄現有股東股權之嫌。
昨日Lily俾記者問到有冇睇過DavidWebb文章，Lily似語帶雙關咁回應：「我對DavidWebb嘅文章冇興趣。」又話：「我對唔忠實嘅報道冇興趣。」
DavidWebb經常在自己的網頁揭露上市公司的不公平行為，為小股東抱不平，所以一向都是小股東的偶像，但對於部分上市公司來說，佢就係剋星，而昨日質問Lily的，可能唔係太興單嘢，而係涉及環康同理大；係乜嘢？阿Webb有三篇文，自己睇啦。
E-mail：