王菲兩年前以逾三千萬元，為EMI出五十五首歌，但王菲去年尾約滿後，因受市道不景影響及有傳叫價太高，令EMI遲遲未與她動筆續約，而環球方面更坦承與王菲傾到沒下文。
王菲兩年前以逾三千萬之天后價，簽下兩年內為EMI灌錄五十五首歌曲的合約，即每曲酬勞約五十五萬。
王菲自去年尾約滿EMI後，因受市道不景影響，加上其歌酬叫價有增無減，故EMI至今遲遲未與王菲續約，故王菲改而向Sony及環球唱片斟洽合作事宜。不過，據悉環球及Sony均感王菲身價太貴而打退堂鼓。
環球唱片總裁陳少寶昨日在電話中說：「價錢固然係考慮因素之一，但重有好多其他原因考慮嘅，我哋早排係有同王菲嗰邊傾過，但冇咗下文啦喎。」
而EMI總裁陳志光在電話中說：「唔係因為王菲價錢太貴，大家重有好多嘢傾緊，續約嘅嘢未有定案，五十五十啦。」
另外，王菲的愛郎謝霆鋒，日前在摩納哥出席「2002世界音樂大獎」頒獎禮，領取「全球暢銷中國歌手」獎項後，已於昨晨回港。霆鋒再被問到夜會張柏芝一事時，他便叫記者看他身穿印有「NO」字的T恤，他說：「你冇留意我件衫咩？有乜就看圖識字。」又問他會否為攞獎而慶祝，霆鋒即笑說：「或者夜啲探吓朋友啦，探邊個？講吓啫！」他又笑言正等待公司送他一架價值四百八十萬的意大利跑車Pagani作獎勵。
對於有報道指王菲前夫竇唯與高原育有三歲兒，霆鋒只冷淡地說：「唔知人哋嘅嘢，唔關我事。」而霆鋒亦否認王菲曾在電話中向他提分手的報道。
此外，霆鋒前女友戴辛尉，前晚在君悅酒店出席呂良偉為愛兒所擺的百日宴時，對霆鋒與王菲傳情變一事回應說：「冇意見，但感情嘅嘢好難講，我唔覺佢唔專情。」
採訪：朱芷瑩、駱華齡
攝影：黃文偉