家陣深圳靚女愛靚及追趕潮流嘅程度，真係直逼香港，香港掀起人體穿環熱潮，深圳一樣咁勁，最近更有一批新款臍環飾物殺入東門至激嘅「老街前衞店」。呢批新款臍環，選用一種稱為醫療鋼物料製造，唔怕惹起皮膚過敏，配合晶石作點綴，設計亦相當不俗！
蒲Disco除靠服裝或舞姿嚟標奇立異吸引異性外，佩戴有夜光功能嘅飾物亦會令你搶盡鏡頭。深圳東門最近推出咗一批夜光耳環，除咗喺夜間發放夜光外，顏色非常奪目，而且佩戴時耳環更要左右唔同顏色，咁先叫深圳嘅前衞一族，喺Disco威風八面。
除至in嘅飾物外，呢度亦備極具懷舊Feel嘅服裝。以50年代雙妹嘜花露水圖案嘅印花吊帶裙，香港早已Out，喺深圳仍大熱。
地址：深圳市羅湖區人民北路2083號東門步行街老街前衞店二樓224號舖
電話：（86）13923450694
營業時間：早上10:00至晚上10:00
交通：從羅湖關口前往，乘的士約5分鐘，車費?12.5。