煲呔曾噚晚好畀面，着得好鬼正去保良局嘅慈善酒會，風騷得嚟就唔答記者問題。但八方好彩都有功課交，皆因有線噚晚播咗佢短短哋嘅訪問，講番中學時代的難忘事，及當年嘅英文老師。
天主教華仁畢業嘅煲呔曾話，當年個英文老師用好唔尋常嘅方法教書，同學每星期交作文，如果文法有錯就大件事，老師會雷霆大怒，除咗讀出嚟畀同學聽之外，重會吐口水落篇文度，再丟落地又踩又跳。如此做法，當然搞到煲呔好鬼驚，於是次次作文都睇清楚，例如第三身後面記得要加es。
煲呔話呢個老師唔同一般師範嘅老師，熱情得來又有情感。高官成日話要講英文，煲呔嘅英文簡潔到肉，睇怕佢老師真係功不可沒。
E-mail：