食住羅兆輝條水<br>古巨基拍廣告玩八字波

食住羅兆輝條水
古巨基拍廣告玩八字波

古巨基前日拍攝Bossini的內地廣告時,戴了一條有八字標誌的褲鏈。基仔竟搞笑地叫人幫他拿「八字波」來,在場人士不禁聯想起羅兆輝所爆的性史。

因拍攝電視劇集《情深深雨濛濛》而人氣急升的古巨基,近日取代了霆鋒成為Bossini內地代言人。

「你哋咁敏感」
基仔前日與馬來西亞新人張鎧潼(Samantha)為Bossini拍新一輯硬照廣告。基仔穿上多款《ET外星人》的T恤和牛仔褲,配上飾物,有型有款。
廣告前日在柴灣一影樓拍攝,當基仔叫工作人員為他取出一條有八字標誌的褲鏈時,竟大叫:「唔該幫我攞『八字波』嚟呀。」
在場人士不禁大笑,以為他影射羅兆輝指某女星的胸部為「八字波」。基仔見到這情形,才知道自己講錯說話,他更笑說:「乜你哋咁敏感㗎,我都唔係講呢啲,我係講緊鏈上嘅八號標誌咋。」
基仔第一次拍便服廣告,心情如何呢?他說:「今次同Bossini合作得好開心,因為Bossini喺內地嘅市場好大,而今次重有機會着細個好鍾意嘅ET公仔服裝,覺得好有意思,重好有收藏價值㖭。」

「各有各味道」
基仔今次能夠取代霆鋒,成為Bossini內地代言人,問他會否怕兩人成為外間比較的對象呢?基仔說:「唔好用呢個字眼(取代)啦,用接力會比較貼切。其實都冇話乜嘢比較嘅,霆鋒都好呀,各有各好,各有各味道啦。」

基仔拍檔小檔
姓名:張鎧潼
身高:五呎七吋
體重:九十七磅
曾獲獎項:馬來西亞及亞太區小姐冠軍
曾演出電影:《每天愛你8小時》
採訪:羅慧敏 攝影:陳慧安