被指因受感情困擾而情緒失控的雪梨，早前在拍攝電視劇《雲海玉弓緣》時，經常無故大罵同劇演員及幕後工作人員而最終被飛，角色由袁彩雲頂上，更有報道指她的武指男友風流。易角後雪梨一直關掉手提電話，沒為情緒失控傳聞回應。
直至昨日記者終聯絡上雪梨，她說現身處外地，對於之前的不快事，雪梨說最令她難受是某報用「風流」一詞去侮辱她愛的人。她說：「用呢個字眼係對我同男友一種侮辱，我男友絕對唔係佢哋所講風流，到𠵱家呢一刻我哋感情亦好好，完全冇問題。我承認唔啱嘅係鬧錯啲同事，但問題係因佢哋唔明我一工作就會好緊張，加上唔夠瞓又攰，搞到有脾氣，若日後有機會返無綫工作，撞到佢哋嘅話我一定會同佢哋道歉。」