旺角班水貨佬最近話題離不開政府提議開徵銷售稅，到底對佢哋門巿有冇影響？月餅場功夫Ｌ觀點好特別，「三個巴仙銷售稅算得乜？其實我哋班商場老闆仔反而贊成，因為會加強我哋競爭力。」功夫Ｌ竟唱反調，政府不妨搵佢宣傳。
「如果落實銷售稅，大家心照，我哋班細舖仔未必執行，生意咁難做重想趕客咩？我哋一定彈性處理，例如收Cash就唔收稅，但收卡就梗係唔得喇，因為有紀錄，到時班客就會識做個個畀Cash，你話正唔正？」
功夫Ｌ再舉個實例：「日本夠收五個巴仙銷售稅，日本人夠老實喇，但好多細舖或街檔為咗吸引客人都唔收，搶咗唔少大公司生意。總之立例收銷售稅後，我哋細舖就可趁機搶客。」功夫Ｌ果然有見地。
主持人：大食Jack
八卦熱報：