唔知幾時開始，影相就同潮流畫成等號，可能係各潮流名人日影夜影周街Snap，又可能亂影當有型，更有可能係今期日本潮流雜誌《Relax》再次舊事重提，幾十部Polaroid一次晒冷，明話你知做潮流人唔可以唔知乜係Snap乜係Polaroid！今日起行版Polaroid限量紙版相機即刻見街，呢部史無前例的相機，相信係潮流人今年必買Snap機。
記者、攝影：馮彥彰
模特兒：HeidiSo(StarzPeople)
呢部機早幾個月都有水貨舖返過，不過數量唔多價錢要近千，今次行貨就量足兼價錢只賣七百幾。部機一共有兩種色，紅及藍色機身，紅色跟彩色菲林，而藍色則跟黑白，但其實原理一樣，只需換上彩色菲林後大家可以共用。至於部機出名在完全用回最古老的攝影針孔原理，即係由攝影、曝光、對焦都要靠人手，所以拍出來的相片好有個人風格，特別有味道！加上原本只係日本發行，一早已賣斷市，今次香港人有福。
成部機係首次用紙做，一機包菲林鏡頭同埋機身，除菲林外，成部機都要用人手摺合而成，都幾考功夫。至於影相原理就跟足初代相機，全部機械化，乜鬼自動對焦，防手震功能都冇！
早幾個月美國寶麗來傳出清盤消息，3月號《Relax》就回顧歷代Polaroid，由經典SX-70至近代機種都有，直頭係一本寶麗來大全！最正係有各大師影Polaroid之介紹，由藝術界的AndyWarhol，Fashion界的Pipoca都有，想識多啲就要去惡補一下！
售價：$780
(電訊盈科TRENDYEYE)
其實未必一定係Polaroid先可以玩Snap，其他機種都可以，當中自然唔少得始祖Lomo，曾有日本仔話過喺死前所有男人必須擁有之一，而近日平價推出的Fuji都係可以入貨之列，好此道者可以入貨，喜歡限量版嘅朋友更加唔好錯過！
講真句，成部機其實好難玩，影相好難觸摸，有別於用開的相機，要自己計算曝光時間長短，一切都要全手動先可以影到靚相，可能就係因為咁先至咁原汁原味令人喜愛，影出來嘅相片都特別有味道，可以扮吓荒木經惟！
售賣點：
電訊盈科TRENDYEYE
訂購電話：28881888