昨日係三八婦女節，身為婦女事務委員會主席的梁劉柔芬自然成為大忙人，要主持婦女事務委員會慶祝活動，不過單係一個酒會對呢位紡織界女強人唔會有難度，但不幸同時間立法會財務委員會又要為十號幹線投票。
由於上次十號幹線上工務工程小組，因為自由黨等反對派唔夠票，偷雞過咗，今次去到財委會大會自然一票也不能少，於是梁劉柔芬兩點半到酒會，已經揸住個電話，睇住個表準備隨時返立會投票，結果佢簡介完工作報告，三點左右又滾水淥腳咁走返立會投票，之後又要衝返酒會，真係分身都唔掂。
八方問佢其實都贏硬，使乜咁緊張，佢就話原本少佢一票唔少，但應承得人投反對票，就一定要投票，果然係牙齒當金使！
（圖）女星蕭芳芳（中）響應婦女事務委員會號召，出席三八婦女節活動，佢話最景仰嘅婦女係德蘭修女；右為梁劉柔芬，左為婦委會成員張綠萍。
E-mail：