兩度遇人不淑的三十一歲單親婦人阿秀，年前遭丈夫虐打後離婚，其後認識一名男子，惟近月復遭拋棄。她與兩名年幼兒子現已申請綜援，惟仍有待審批，三口頓陷斷炊困境。
「呢個月都唔知捱唔捱得過，就算大人唔食，兩個細路都要食。」阿秀抱着只得四個月大的幼子淚眼盈盈地說。
阿秀於九四年與任職燒臘師傅前夫結婚，不久誕下麟兒，豈料及後有人脾氣暴躁，經常向她動粗，令她的精神及肉體飽受創傷。
「佢郁啲就發脾氣打我，試過因為咁上過幾次差館，我冇辦法再忍受，喺前年同佢離咗婚，個仔跟我住。」阿秀說。
去年，阿秀與一名認識數年、任職中港貨櫃車司機的男性友人慚生情愫，男方見她帶着兒子孤苦無依，承諾照顧母子兩人生活，阿秀其後更與他誕下一名兒子，以為從此可以過着安穩生活，可惜好景不常，雙方關係只是維持了短短數月，便已出現問題。
「當初佢話會好好照顧我哋，唔會畀我哋三母子受苦，點知BB出世之後冇幾耐，喺兩個幾月前一走了之。」阿秀說完，不禁淚如雨下。
帶着兩名分別只得六歲及四個月大兒子的阿秀，兩個多月來僅靠少量積蓄維持生計，然而坐食山崩，現已差不多走到山窮水盡的地步，她坦言家中的奶粉只剩一罐，僅夠仍在襁褓的兒子一個星期食用。
「將來生活真係唔知點算。大仔都知屋企發生乜事，不過佢好天真咁同我講：『媽咪，你問人借住錢先啦，最多我第日大個仔，出嚟賺錢還番畀人囉！我會乖啲㗎嘞。』」阿秀表示，她已於日前向社會福利署求助，該署日內將會約見她，商討申請綜援事宜，暫仍未知會否獲得批核。蘋果日報慈善基金有見阿秀的困境，即時撥款八千元，助她暫時解決與兩名稚子的經濟困難。
捐款編號：C0481
暖流熱線
電話：29908688
傳真：23702192
電郵：
網址：