羅兆輝自言重視愛情，更重視友情。在他眼中，劉鑾雄和鄭裕彤不但是他的恩公，更是不可多得的好朋友。儘管近日有周刊指他大爆富豪秘史，但羅兆輝卻表示問心無愧，不擔心會得失一眾富豪好友。
羅兆輝說：「我幾分鐘前先至同彤叔傾過電話，佢對啲報道得啖笑，由頭至尾我冇爆過人哋啲乜嘢，係朋友都唔會咁做，明知嗰啲係人哋私隱。其實我自己係細路仔，個個都好錫我，點會嬲我？但我心境有七十五歲，我唔覺得我唔正常，其實我都幾識諗嘢㗎！」
提到他的良師益友劉鑾雄，羅兆輝表示不得不寫個服字，他說：「十幾年前佢好大隻，成個震波黎明咁，佢當年成日打交，記得有次成六、七個人圍住佢，佢都冇理照打落去，後尾嗰班人重俾人告傷害他人身體㖭。」
不過，羅兆輝表示有一富豪朋友最令他不滿，近日接二連三出賣他，若將來有機會的話，他定會還以顏色。